Klaus Groth -För de Gören

Warnung

Dar kummt en Herr to Per´,
he ritt bet anne Dör,
he ritt bet ünnert´t Finster hin,
dar kloppt he an, dar kickt he rin.
De Fru, de süht herut
un seggt: Mien Mann is ut.
Do seggt de Herr to Per´:
Dar schreeg je doch en Gör?
Un sünd de Kinner hier nich fram,
so warr ick gar nich wedder kam´n!
Do wend´t de Herr sick um
un ritt in´n Sprung darvon.

Gnegelputt

Mien leeve Hanne Gnegelputt
hett allens, wat he will,
un wat he hett, dat will he nich,
un wat he will, dat hett he nich,
mien leeve Hanne Gnegelputt
hett allens, wat he will.