Klaus Groth -För de Gören

Schön Anna

In´e Buerstraten,
dar steiht en glatt Hus,
dar kieckt alle Abend
all´ dree ut den Saal,
de jüngste heet Anna,
kummt de Treppen hendal.
Se hett en nie Röckschen,
en Stimm as en Klöckschen,
dat Klöckschen, dat klingt,
lütt Anna, de singt,
wenn se alle Abend
de Trepp hendalspringt.

Anna Susanna

Anna Susannna, gah du nach Schol!
»Ick heff nix övern Fot.«
Treck du Papa sien Tüffeln an!
»De sünd mi veels to grot.«
Stek du en halv Bund Stroh in,
so sünd se di to paß. --
Wa kann mien Anna Susanna spring´n,
barbeentig dör dat Gras!