Klaus Groth -För de Gören

Nix as Unglück

Peter Pater,
plumpt int Water,
sett sick op den grauen Kater,
reede hin to Hus,
greep sick en Mus,
de Mus käm to Füer,
dat Holt wär so düer,
dat Braden duer so lang,
de Köksche wör bang,
de Kater kreeg en Schrecken,
se kropen in´e Ecken,
se wrüng´n sick de Hand´n,
de Dokter wär to Lann´,
to´n Glücken käm de Bader
un leet se all to Ader.

Ful Spannwark

De Per´ fünd so trag,
wa slept se den Wag´,
wa slept se den Wagen
mit Knecht un mit Magd,
dat sünd en Paar Pagen
so möd un so trag.
»Aver de Haver!«
so seggt de Knecht.