Klaus Groth -För de Gören

Goden Rat

En Klock, de nich geiht,
en Putt, de nich steiht,
en Daler, de nich gelt,
en Hund, de nich bellt,
en Deern, de nich fegt,
en Hehn, de nich leggt,
en Katt, de nich must,
de lettst du beter buten Hus!

Baden

De Hund mutt sick schuppen,
de Hehn mutt sick struppen,
glatt slickt sick de Kater,
de Fisch geiht to Water,
to Water de Fisch,
so blank un so frisch,
so blank un so frisch!