Klaus Groth -För de Gören

Opstahn

  De Dag, de graut,
  de Katt, de maut,
  de Klock, de sleiht,
  de Hahn, de kreiht,
  de Hund, de bellt,
  de Köksch, de schelt,
  de Höhner, de kakelt,
un all de Vageln in´n Boom spektakelt.

Versteken

To Enn´ op de Weid,
wo Bählämmchen geiht,
de Rosenbusch fleiert,
de Klockenblom beiert,
dar flittert de Sünn,
un wi beid´n wüllt darhin.

Dar ünner den Boom
wüllt wi plücken de Blom,
wüllt plücken de Klocken
wüllt Bählamm mit locken,
un Bählamm un Sünn
künnt uns beid dar nich find´n.