Klaus Groth -För de Gören

Regenleed

Regen, Regen drus,
wi sitt hier warm in Hus!
De Vageln sitt in Boom to kuern,
de Köh, de staht an Wall to schuern,
Regen, Regen drus,
wi sitt hier warm in Hus.

Regen, Regen rusch,
wa rükt dat ut den Busch!
De Blöm, de hangt so slaprig dal,
de Böm, de röhrt de Bläd nich mal,
Regen, Regen rusch,
wa rükt dat ut den Busch!

Regen, Regen sus,
von baben op uns Hus,
von´t Dack hendal in strieken Strom
un liesen ut den Eschenboom,
Regen, Regen sus,
von baben op uns Hus!
Regen, Regen rull,
bet alle Gröben vull!
Denn lat de Wulken övergahn,
lat de Sünn wedderkam´n.
Regen, Regen rull,
bet alle Gröben vull!