Klaus Groth -För de Gören

Lünken

Hanslünk un sien Ohm,
de säten op´n Boom,
sien Vadder käm, sien Moder käm,
sien Süster käm, sien Broder käm,
un Vadder, Vetter, Mellersche
un Köksche mit´n Teller käm:
do flogen de Flünken all heraff,
do picken de Lünken all in´t Kaff.

En Pannkoken in´e Pann,
grot genog för teihn Mann!
Keen Stunn achteran,
weet keen Minsch mehr dar von.
Rein Fatt un all satt!
Morgen ward gut Wetter.