Klaus Groth -För de Gören

Widewidewitt, dat Schipp is kam´n,
widewidewitt, belad´ bet bab´n,
widewidewitt, dör Well un Waggen,
widewidewitt, mit Fleier un Flaggen,
widewidewitt, von Engelland,
widewidewitt, dar stufft dat Sand,
widewidewitt, dar klingt de Klocken,
widewidewitt, dar danzt de Poppen,
widewidewitt, to Hus, to Hus ---
dar bliev ick mit mien Hannemus.

Dat Schipp

Dar fahrt en Schipp, dat fahrt so wiet,
de Wulken kamt un fahrt dar mit,
op´t Water treckt dat lang so blank,
un baben treckt de Wulken lang,
so sachte, so kleen,
man eben mehr to sehn,
so lütt, so lütt, so witt, so witt ---
nu mang de Wulken geiht dat mit.